puellampuella

Verba allata

A

  • Ac dum avida voracitate cuncta contruncant, iam incipiunt de nostra poena suaque vindicta secum considerare. Et utpote in coetu turbulento variae fuere sententiae, ut primus vivam cremari censeret puellam, secundus bestiis obici suaderet, tertius patibulo suffigi iuberet, quartus tormentis excarnificari praeciperet; —Metamorphoseon libri XI Apulei [1]
  • Accesserat dehinc lectio ad eum locum, in quo maritus senex super uxore divite atque deformi querebatur, quod ancillam suam, non inscito puellam ministerio et facie haut inliberali, coactus erat venundare, suspectam uxori quasi paelicem. —Noctes Atticae A. Gellii [2]
  • Adiuvabant eum optumatium studia, per quae in domum quoque puellae certamen partium penetravit. Nobilis superior iudicio matris esse, quae quam splendidissimis nuptiis iungi puellam volebat: tutores in ea quoque re partium memores ad suum tendere. —Ab urbe condita Titi Livii [3]
  • An non putas aliquid esse discriminis inter sterilem et fecundam, inter provectiorem et puellam, inter matrem et novercam? Omnes species conplecti non possumus, atqui singulae propria exigunt; leges autem philosophiae breves sunt et omnia alligant. —Ad Lucilium epistulae morales Senecae [4]

C

  • Cum enim neque me fortiorem neque sanctiorem Massinissam noverim, insuper ab adolescentia minus etiam cautum, cum videam furtim hanc eum feminam, captivam alieni iuris et adhuc vivente marito, turpius ac petulantius in suam domum traduxisse quam me olim, patre illam michi dante liberam virginem puellam, quid superest aliud quam eundem suarum nuptiarum exitum sperare, quem mearum vides? —De viris illustribus Petrarcae [5]
  • Cum virgo staret et Caecilia in sella sederet neque diu ulla vox exstitisset, puellam defatigatam petisse a matertera, ut sibi concederet, paulisper ut in eius sella requiesceret; illam autem dixisse: ‘Vero, mea puella, tibi concedo meas sedes.’ —De divinatione Ciceronis [6]

D

  • «Dei conscripti Musarum albo, adolescentem istum quod manibus meis alumnatus sim profecto scitis omnes. Cuius primae iuventutis caloratos impetus freno quodam coercendos existimavi; sat est cotidianis eum fabulis ob adulteria cunctasque corruptelas infamatum. Tollenda est omnis occasio et luxuria puerilis nuptialibus pedicis alliganda. Puellam elegit et virginitate privavit: teneat, possideat, amplexus Psychen semper suis amoribus perfruatur.» —Metamorphoseon libri XI Apulei [7]

E

  • Et ilico haec eadem uxor eius, quae nunc bestiis propter haec ipsa fuerat addicta, coepit puellam velut aemulam tori succubamque primo suspicari, dehinc detestari, dehinc crudelissimis laqueis mortis insidiari. Tale denique comminiscitur facinus. —Metamorphoseon libri XI Apulei [8]
  • Et quis hanc mihi solitudinem imposuit? Adulescens omni libidine impurus et sua quoque confessione dignus exilio, stupro liber, stupro ingenuus, cuius anni ad tesseram venierunt, quem tanquam puellam conduxit etiam qui virum putavit. —Satyricon T. Petronii Arbitri [9]

H

  • Hespere, quis caelo fertur crudelior ignis?
qui natam possis complexu avellere matris,
complexu matris retinentem avellere natam,
et iuveni ardenti castam donare puellam.
quid faciunt hostes capta crudelius urbe? —Carmina Catulli [10]
  • heu misere exagitans immiti corde furores
sancte puer, curis hominum qui gaudia misces,
quaeque regis Golgos quaeque Idalium frondosum,
qualibus incensam iactastis mente puellam
fluctibus, in flavo saepe hospite suspirantem!
quantos illa tulit languenti corde timores! —Carmina Catulli [11]
  • His ego versibus credo adductum Valerium Antiatem adversus ceteros omnis scriptores de Scipionis moribus sensisse et eam puellam captivam non redditam patri scripsisse, contra quam nos supra diximus, sed retentam a Scipione atque in deliciis amoribusque ab eo usurpatam. —Noctes Atticae A. Gellii [12]

I

  • Itur ad constitutum scopulum montis ardui, cuius in summo cacumine statutam puellam cuncti deserunt, taedasque nuptiales, quibus praeluxerant, ibidem lacrimis suis extinctas relinquentes deiectis capitibus domvitionem parant. —Metamorphoseon libri XI Apulei [13]

L

  • Lingis, non futuis meam puellam
Et garris quasi moechus et fututor.
Si te prendero, Gargili, tacebis. —Epigrammata M. Valerii Martialis [14]

M

  • Movet feroci iuveni animum conploratio sororis in victoria sua tantoque gaudio publico. Stricto itaque gladio simul verbis increpans transfigit puellam. Abi hinc cum immaturo amore ad sponsum inquit, oblita fratrum mortuorum vivique, oblita patriae. Sic eat quaecumque Romana lugebit hostem. —Ab urbe condita Titi Livii [15]

N

  • Nam et ipse quosdam lenones pridem cognitos habeo, quorum poterit unus magnis equidem talentis, ut arbitror, puellam istam praestinare condigne natalibus suis fornicem processuram nec in similem fugam discursuram, non nihil etiam, cum lupanari servierit, vindictae vobis depensuram. —Metamorphoseon libri XI Apulei [16]
  • Nec loquax illa conticuit avis, sed: «Nescio,» inquit «domina: puto puellam, si probe memini, Psyches nomine dici: illam dicitur efflicte cupere.»
Tunc indignata Venus exclamavit vel maxime: «Psychen ille meae formae succubam mei nominis aemulam vere diligit? Nimirum illud incrementum lenam me putavit cuius monstratu puellam illam cognosceret.» —Metamorphoseon libri XI Apulei [17]
  • Nec mora, cum latrones ultra modum anxii atque solliciti remeant, nullam quidem prorsus sarcinam vel omnino licet vilem laciniam ferentes, sed tantum gladiis totis, totis manibus immo factionis suae cunctis viribus munitam unicam virginem filo liberalem et, ut matronatus eius indicabat, summatem regionis, puellam mehercules et asino tali concupiscendam, maerentem et crines cum veste sua lacerantem advehebant. —Metamorphoseon libri XI Apulei [18]
  • Notam iudici fabulam petitor, quippe apud ipsum auctorem argumenti, peragit: puellam domi suae natam furtoque inde in domum Vergini translatam suppositam ei esse; id se indicio compertum adferre probaturumque vel ipso Verginio iudice, ad quem maior pars iniuriae eius pertineat; interim dominum sequi ancillam aequum esse. —Ab urbe condita Titi Livii [19]

P

  • Placere itaque patrem arcessiri, interea iuris sui iacturam adsertorem non facere quin ducat puellam sistendamque in adventum eius qui pater dicatur promittat. —Ab urbe condita Titi Livii [20]

Q

  • Quae quidem simul viderat illum iuvenem fornicisque et lenonis audierat mentionem, coepit risu laetissimo gestire, ut mihi merito subiret vituperatio totius sexus, cum viderem puellam proci iuvenis amore nuptiarumque castarum desiderio simulato lupanaris spurci sordidique subito delectari nomine. —Metamorphoseon libri XI Apulei [21]

R

  • Rumor ait crebro nostram peccare puellam
nunc ego me surdis auribus esse uelim.
Crimina non haec sunt nostro sine facta dolore:
quid miserum torques, rumor acerbe? Tace. —Elegiarum libri II Tibulli [22]

S

  • scis certe quibus ista modis, quam saepe rogaris
et quae pollicitus. fugientem saepe puellam
amplexu rapui; tabulas quoque ruperat et iam
signabat; tota vix hoc ego nocte redemi
te plorante foris. testis mihi lectulus et tu,
ad quem pervenit lecti sonus et dominae vox. —Saturae D. Iuni Iuvenalis [23]
  • Sed ille iuvenis sermone repetito: «Quin igitur» inquit «supplicatum Marti Comiti pergimus et puellam simul vendituri et socios indagaturi? Sed, ut video, nullum uspiam pecus sacrificatui ac ne vinum quidem potatui adfatim vel sufficiens habemus. —Metamorphoseon libri XI Apulei [24]
  • Sed pietatis spectatae iuvenis et matris obsequium et sororis officium religiose dispensat et arcanis domus venerabilis silentii custodiae traditis, plebeiam facie tenus praetendens humanitatem, sic necessarium sanguinis sui munus adgreditur ut desolatam vicinam puellam parentumque praesidio viduatam domus suae tutela receptaret ac mox artissimo multumque sibi dilecto contubernali, largitus de proprio dotem, liberalissime traderet. —Metamorphoseon libri XI Apulei [25]
  • Sic inflammatae, parentibus fastidienter appellatis et nocte turbata vigiliis, perditae matutino scopulum pervolant et inde solito venti praesidio vehementer devolant lacrimisque pressura palpebrarum coactis hoc astu puellam appellant: «Tu quidem felix et ipsa tanti mali ignorantia beata sedes incuriosa periculi tui, nos autem, quae pervigili cura rebus tuis excubamus, cladibus tuis misere cruciamur.» —Metamorphoseon libri XI Apulei [26]

T

  • Talibus cogitationibus fluctuantem subit me cura illa potior, qua statuto consilio latronum manibus virginis decretam me victimam recordabar, ventremque crebro suspiciens meum iam misellam puellam parturibam. —Metamorphoseon libri XI Apulei [27]
  • Tandem confirmata puellam admodum se ancillam initiatam cum domina ait: aliquot annis, ex quo manumissa sit, nihil quid ibi fiat scire. —Ab urbe condita Titi Livii [28]
  • tandem Gorgonei victorem Persea monstri
felix illa dies redeuntem ad litora duxit.
isque, ubi pendentem vidit de rupe puellam,
deriguit, facie quem non stupefecerat hostis,
vixque manu spolium tenuit, victorque Medusae
victus in Andromeda est. iam cautibus invidet ipsis
felicisque vocat, teneant quae membra, catenas; —Astronomicon M. Manilii [29]
  • Tunc acerbae mortis exciti nuntiis frater et maritus accurrunt variisque lamentationibus defletam puellam tradunt sepulturae. Nec iuvenis sororis suae mortem tam miseram et qua minime par erat inlatam aequo tolerare quivit animo, sed medullitus dolore commotus acerrimaeque bilis noxio furore perfusus exin flagrantissimis febribus ardebat, ut ipsi quoque iam medela videretur esse necessaria. —Metamorphoseon libri XI Apulei [30]

U

  • Ultima minus familiaris est vir augusta praesentia coronatus super camelo insidens, aspectu mitissimo, veste fere omnium florum colores praesentante indutus, nudam dextera puellam secum trahens, incessu valde gravi et venerando; puellae festum chorum circa et tripudium exercentes; ab occidua regione cum Zephyri benignitate venit curia venustatis omniformis. —De imaginum compositione Iordani Bruni [31]

V

  • Verrit, sternit, coquit, tucceta concinnat, adponit scitule, sed praecipue poculis crebris grandibusque singulos ingurgitat. Interdum tamen simulatione promendi quae poscebat usus ad puellam commeabat adsidue, partisque subreptas clanculo et praegustatas a se potiones offerebat hilaris. —Metamorphoseon libri XI Apulei [32]
  • Vir tuus est epulas nobis aditurus easdem –
ultima coena tuo sit, precor, illa viro!
ergo ego dilectam tantum conviva puellam
adspiciam? tangi quem iuvet, alter erit,
alteriusque sinus apte subiecta fovebis?
iniciet collo, cum volet, ille manum?
desino mirari, posito quod candida vino
Atracis ambiguos traxit in arma viros. —Amores Ovidii Nasonis [33]

Vide etiam

Fontes

  1. Apuleius - Metamorphoseon libri XI. (Bibliotheca Augustana): Liber VI. Capitulum XXXI. Versus 1 — puellam
  2. 2.0 2.1 Aulus Gellius, Noctes Atticae libri viginti. (Peter K. Marshall, Oxonii MCMLXVIII). Liber secundus. Capitulum XXIII, [8] — puellam
  3. Titus Livius - Ab urbe condita - libri CXLII. (Universitas Turicensis): Liber IV, caput 9, 5 — puellam
  4. 4.0 4.1 Lucius Annaeus Seneca - Ad Lucilium epistulae morales. (The Latin Library):  Tomus / Liber 15. 94, versus 15 — puellam
  5. 5.0 5.1 Franciscus Petrarca (Italice: Francesco Petrarca) - De viris illustribus. (Universitas Turicensis): Liber : De Publio Cornelio Scipione Africano Maiore. 6: 67 — puellam
  6. 6.0 6.1 Marcus Tullius Cicero - De divinatione. (The Latin Library): Liber primus. 46 [103] — puellam
  7. Apuleius - Metamorphoseon libri XI. (Bibliotheca Augustana): Liber VI. Capitulum XXIII. Versus 3 — puellam
  8. Apuleius - Metamorphoseon libri XI. (Bibliotheca Augustana): Liber X. Capitulum XXIV. Versus 2 — puellam
  9. 9.0 9.1 T. Petronius Arbiter, Satyricon - quae supersunt (apud Guilielmum Vande Water, Trajecti ad Rhenum MDCCIX). Cap. LXXXI. — puellam
  10. 10.0 10.1 Gaius Valerius Catullus, Carmina. 62. carmen nuptiale, versus 23 — puellam (Bibliotheca Augustana)
  11. Gaius Valerius Catullus, Carmina. 64. carmen nuptiale Thetidis et Pelei, versus 97 — puellam (Bibliotheca Augustana)
  12. Aulus Gellius, Noctes Atticae libri viginti. (Peter K. Marshall, Oxonii MCMLXVIII). Liber septimus. Capitulum VIII, [6] — puellam
  13. Apuleius - Metamorphoseon libri XI. (Bibliotheca Augustana): Liber IV. Capitulum XXX. Versus 1 — puellam
  14. 14.0 14.1 Marcus Valerius Martialis - Epigrammata. (Bibliotheca Augustana): Liber tertius. XCVI, versus 1 — puellam
  15. 15.0 15.1 Titus Livius - Ab urbe condita - libri CXLII. (Universitas Turicensis): Liber I, caput 26, 3 — puellam
  16. Apuleius - Metamorphoseon libri XI. (Bibliotheca Augustana): Liber VII. Capitulum IV. Versus 6 — puellam
  17. Apuleius - Metamorphoseon libri XI. (Bibliotheca Augustana): Liber V. Capitulum XXVIII. Versus 8 — puellam
  18. 18.0 18.1 Apuleius - Metamorphoseon libri XI. (Bibliotheca Augustana): Liber IV. Capitulum XXIII. Versus 3 — puellam
  19. Titus Livius - Ab urbe condita - libri CXLII. (Universitas Turicensis): Liber III, caput 44, 9 — puellam
  20. Titus Livius - Ab urbe condita - libri CXLII. (Universitas Turicensis): Liber III, caput 45, 3 — puellam
  21. Apuleius - Metamorphoseon libri XI. (Bibliotheca Augustana): Liber VII. Capitulum X. Versus 3 — puellam
  22. 22.0 22.1 Albius Tibullus - Lygdami elegiae (Universitas Turicensis): Liber III. Caput XX. Versus 1 — puellam
  23. 23.0 23.1 Decimus Iunius Iuvenalis, Saturae. (Ed. brevique adnotatione critica instr. W. V. Clausen, Oxford 1959). Satura IX, versus 74 — puellam
  24. Apuleius - Metamorphoseon libri XI. (Bibliotheca Augustana): Liber VII. Capitulum X. Versus 4 — puellam
  25. Apuleius - Metamorphoseon libri XI. (Bibliotheca Augustana): Liber X. Capitulum XXIII. Versus 6 — puellam
  26. Apuleius - Metamorphoseon libri XI. (Bibliotheca Augustana): Liber V. Capitulum XVII. Versus 1 — puellam
  27. Apuleius - Metamorphoseon libri XI. (Bibliotheca Augustana): Liber VII. Capitulum IV. Versus 1 — puellam
  28. Titus Livius - Ab urbe condita - libri CXLII. (Universitas Turicensis): Liber XXXIX, caput 12, 6 — puellam
  29. 29.0 29.1 Marcus Manilius - Astronomicon libri quinque. (Bibliotheca Augustana): Liber quintus, versus 569 — puellam
  30. Apuleius - Metamorphoseon libri XI. (Bibliotheca Augustana): Liber X. Capitulum XXV. Versus 1 — puellam
  31. 31.0 31.1 Iordanus Brunus Nolanus (Italice: Giordano Bruno) - De imaginum compositione (Universitas Turicensis): Liber II. Caput XIII.  — puellam
  32. Apuleius - Metamorphoseon libri XI. (Bibliotheca Augustana): Liber VII. Capitulum XI. Versus 3 — puellam
  33. 33.0 33.1 Publius Ovidius Naso - Amores (versio II, ca. 5). (Bibliotheca Augustana): Liber primus, 4, versus 3 — puellam