cursor (Qui currit) et Cursor (Nomen proprium).

Verba allata (cursor)Recensere

ARecensere

  • Actualia ab actu descendunt, ut rex, dux, cursor, nutrix, orator.Etymologiarum libri XX Isidori Hispalensis [1]
  • Antea enim in iocis certantes cincti erant, ne nudarentur: post, relaxato cingulo, repente prostratus et exanimatus est quidam cursor. Quare ex consilii decreto tunc archon Hippomenes ut nudi deinceps omnes exercitarentur permisit. Ex illo gymnasium dictum, quod iuvenes nudi exercentur in campo, ubi sola tantum verenda operiuntur. —Etymologiarum libri XX Isidori Hispalensis [2]
  • Auctor ab augendo dictus. Auctorem autem feminino genere dici non posse existimant. Nam quaedam sunt quae in feminino flecti non possunt, ut cursor. —Etymologiarum libri XX Isidori Hispalensis [3]

CRecensere

  • Cucurrisse MCXL stadia ab Athenis Lacedaemonem biduo Philippidem magnum erat, donec Anystis cursor Lacedaemonius et Philonides Alexandri Magni a Sicyone Elim uno die MCCCV cucurrerunt. —Naturalis historia Plinii [4]

ERecensere

  • Ecce alius cursor — atque horum somniorum et talium plenus est Chrysippi liber, plenus Antipatri — sed ad cursorem redeo: ad interpretem detulit aquilam se in somnis visum esse factum. —De divinatione Ciceronis [5]
  • eiusdem Alexandri cursor Philonides ex Sicyone Elin mille et ducenta stadia novem diei confecit horis indeque, quamvis declivi itinere, tertia noctis hora remensus est saepius. —Naturalis historia Plinii [6]
  • Equus si virtutibus suis polleat, ut sit aequabilis vector et cursor pernix, nemo ei penuriam pabuli exprobrat: tu mihi vitio dabis non facti uel dicti alicuius pravitatem, sed quod vivo gracili lare, quod paucioris habeo, parcius pasco, levius vestio, minus obsono? —Apologia sive Pro se de magia liber Apulei [7]

HRecensere

  • Hic mecum licet, hic, Iuvate, quidquid
In buccam tibi venerit, loquaris:
Non rector Libyci niger caballi,
Succinctus neque cursor antecedit;
Nusquam est mulio: mannuli tacebunt. —Epigrammata M. Valerii Martialis [8]

LRecensere

  • Lacedaemonii vetant suos pancratio aut caestu decernere, ubi inferiorem ostendit victi confessio. Cursor cretam prior contigit; velocitate illum, non animo antecessit. —De beneficiis Senecae [9]
  • Loca centrum super extremitate lineae (pro maiori commoditate) propinquiore, unumque cursorum super alia et alterum super dato puncto, sicque dispositum circinum convertito, ut cursor maioris lineae accipiat punctum datum, et alter commodiorem lineae extremitatem accipiat; centrum necessario alterum punctum ostendet, a quo ad datum punctum trahitur linea quae quaerebatur. —Mordentius et de Mordentii circino Iordani Bruni [10]

NRecensere

  • Nec feriatus ibat ante carrucam,
Sed tuta faeno cursor ova portabat.
Urbem petebat Bassus? immo rus ibat. —Epigrammata M. Valerii Martialis [11]
  • non eadem vobis poni modo vina querebar?
vos aliam potatis aquam. tibi pocula cursor
Gaetulus dabit aut nigri manus ossea Mauri
et cui per mediam nolis occurrere noctem,
clivosae veheris dum per monumenta Latinae. —Saturae D. Iuni Iuvenalis [12]
  • Non perveni ad sanitatem, ne perveniam quidem; delenimenta magis quam remedia podagrae meae compono, contentus, si rarius accedit et si minus verminatur; vestris quidem pedibus comparatus, debilis cursor sum. —De vita beata Senecae [13]

PRecensere

  • Primum genus, ut dixi, id est, cum ab aliqua parte orationis declinata sunt recto casu vocabula, ut a balneis balneator. Hoc fere triplices habet radices, quod et a vocabulo oritur, ut a venatore venabulum, et a nomine, ut a Tibure Tiburs, et a verbo, ut a currendo cursor. —De lingua Latina Varronis [14]
  • Pythagoras Samius ait omnium rerum initia esse bina ut finitum et infinitum, bonum et malum, vitam et mortem, diem et noctem. Quare item duo, status et motus, utrumque quadripertitum: quod stat aut agitatur, corpus; ubi agitatur, locus, dum agitatur, tempus; quod est in agitatu, actio. Quadripertitio magis sic apparebit: corpus est ut cursor; locus stadium qua currit; tempus hora qua currit; actio cursio. —De lingua Latina Varronis [15]

QRecensere

  • Quid? ipsorum interpretum coniecturae nonne magis ingenia declarant eorum quam vim consensumque naturae? Cursor, ad Olympia proficisci cogitans, visus est in somnis curru quadrigarum vehi. Mane ad coniectorem. At ille: ‘Vinces,’ inquit; ‘id enim celeritas significat et vis equorum.’ —De divinatione Ciceronis [5]
  • Quis autem non stuperet, sex dierum spatio non amplius a Metauri ripis armato ac fesso et cruento cum exercitu in Apuliam perveniri posse, quod nescio an expeditus cursor atque agilis potuisset? —De viris illustribus Petrarcae [16]

SRecensere

  • Similis causa quae ab scientia vocantur aliqua, ut praestigiator, monitor, nomenclator: sic etiam quae a studio quodam dicuntur, cursor, natator, pugil. —De lingua Latina Varronis [17]

VRecensere

  • viator insolitus, mirus cursor, qui in hoc scrupeo et difficili calle sis felix, inter mille pericula raptatus iugiter et ignorans quo, si quidem hic es felix, quod nemo unquam fuit, nemo erit, ut auguror. —De remediis utriusque fortune Petrarcae [18]


Verba allata (Cursor)Recensere

CRecensere

  • Cuius ad iniurie ultionem Papirius idem Cursor et Publius Philo simul consules, ad Luceriam coniunctis exercitibus, Samnites usque ad satietatem nullo discrimine conditionis aut etatis, urgente ira et recenti accepte cladis memoria, protriverunt. —De viris illustribus Petrarcae [19]

ERecensere

  • est innoxium adradi partes, quae se nudaverint. «Excide radicem,» inquit, «istam», Papirius Cursor imperator, ad terrorem Praenestinorum praetoris destringi securi iussa. —Naturalis historia Plinii [20]
  • Et Considius Aequus et Caelius Cursor equites Romani quod fictis maiestatis criminibus Magium Caecilianum praetorem petivissent auctore principe ac decreto senatus puniti. —Annales P. Cornelii Taciti [21]

IRecensere

  • Is dictator cum L. Papirio Cursore magistro equitum factus est annis post Romam conditam CCCCXV et quadriennio post consui cum K. Duilio. Hunc secutus est Cursor, homo valde honoratus; deinde L. Masso aedilicius; inde multi Massones. Quorum quidem tu omnium patriciorum imagines habeas volo. —Epistolae ad Familiares Ciceronis [22]

LRecensere

  • Lucius Papirius Cursor ducum severissimus vehementisque vir imperii atque in primis malleus Samnitium fuit; quorum et iste duritiem et post eum filius eiusdem nominis, velut ad id fato nati, magnis insultibus fregere. —De viris illustribus Petrarcae [23]

MRecensere

  • Militaria opera pugnando obeunti Alexandro — nam ea quoque haud minus clarum eum faciunt — cessisset videlicet in acie oblatus par Manlius Torquatus aut Valerius Corvus, insignes ante milites quam duces, cessissent Decii, devotis corporibus in hostem ruentes, cessisset Papirius Cursor illo corporis robore, illo animi! —Ab urbe condita Titi Livii [24]

PRecensere

  • Post multos annos cum ad furculas Caudinas ab Samnite hoste sub iugum missi sumus, utrum tandem L. Papirius Cursor iuga Samnii perlustrando an Luceriam premendo obsidendoque et lacessendo victorem hostem depulsum ab Romanis cervicibus iugum superbo Samniti imposuit? —Ab urbe condita Titi Livii [25]
  • princeps solarium horologium statuisse ante XII annos quam cum Pyrro bellatum est ad aedem Quirini L. Papirius Cursor, cum eam dedicaret a patre suo votam, a Fabio Vestale proditur. sed neque facti horologii rationem vel artificem significat nec unde translatum sit aut apud quem scriptum id invenerit. —Naturalis historia Plinii [26]


Vide etiamRecensere

Fontes

  1. 1.0 1.1 Isidorus Hispalensis - Etymologiarum libri XX. (Bibliotheca Augustana):  Liber I. Caput VII. [23] — cursor
  2. Isidorus Hispalensis - Etymologiarum libri XX. (Bibliotheca Augustana):  Liber XVIII. Caput XVII. [2] — cursor
  3. Isidorus Hispalensis - Etymologiarum libri XX. (Bibliotheca Augustana):  Liber X. A.[2] — cursor
  4. Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber septimus, cap. 20, [84] — cursor
  5. 5.0 5.1 5.2 Marcus Tullius Cicero - De divinatione. (The Latin Library): Liber secundus. 70 [144] — cursor
  6. 6.0 6.1 Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber secundus, cap. 73, [181] — cursor
  7. 7.0 7.1 Apuleius - Apologia sive Pro se de magia liber. (Bibliotheca Augustana): Pagina 3. Sectio 21. Versus 2 — cursor
  8. Marcus Valerius Martialis - Epigrammata. (Bibliotheca Augustana): Liber duodecimus. XXIV, versus 7 — cursor
  9. 9.0 9.1 Lucius Annaeus Seneca - De beneficiis. (The Latin Library):  Tomus / Liber 5. 3, versus 1 — cursor
  10. 10.0 10.1 Iordanus Brunus Nolanus (Italice: Giordano Bruno) - Mordentius et de Mordentii circino (Universitas Turicensis): De Mordentii Salernitani circino dialogus — cursor
  11. 11.0 11.1 Marcus Valerius Martialis - Epigrammata. (Bibliotheca Augustana): Liber tertius. XLVII, versus 14 — cursor
  12. 12.0 12.1 Decimus Iunius Iuvenalis, Saturae. (Ed. brevique adnotatione critica instr. W. V. Clausen, Oxford 1959). Satura V, versus 52 — cursor
  13. Lucius Annaeus Seneca - De vita beata. (The Latin Library):  XVII, versus 4 — cursor
  14. Marcus Terentius Varro - De lingua Latina. Liber octavus p. 53 — cursor
  15. 15.0 15.1 Marcus Terentius Varro - De lingua Latina. Liber quintus, I. p. 11 — cursor
  16. Franciscus Petrarca (Italice: Francesco Petrarca) - De viris illustribus. (Universitas Turicensis):  De Claudio Nerone et Livio Salinatore: 179 — cursor
  17. Marcus Terentius Varro - De lingua Latina. Liber quintus, XVIII. p. 94 — cursor
  18. 18.0 18.1 Franciscus Petrarca (Italice: Francesco Petrarca) - De remediis utriusque fortune. (Universitas Turicensis): Liber I. 108: De felicitate — cursor
  19. Franciscus Petrarca (Italice: Francesco Petrarca) - De viris illustribus. (Universitas Turicensis):  De Lucio Papirio Cursore: 7 — Cursor
  20. Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber XVII, cap. 16, [81] — cursor
  21. 21.0 21.1 Publius Cornelius Tacitus - Annales sive ab excessu divi Augusti libri XVI. (The Latin Library): Liber III. [37] — Cursor
  22. 22.0 22.1 Marcus Tullius Cicero - Epistolae ad Familiares. (The Latin Library): Liber nonus. 21 [2] — Cursor
  23. 23.0 23.1 Franciscus Petrarca (Italice: Francesco Petrarca) - De viris illustribus. (Universitas Turicensis):  De Lucio Papirio Cursore: 1 — Cursor
  24. 24.0 24.1 Titus Livius - Ab urbe condita - libri CXLII. (The Latin Library): Liber IV, caput 17, 12 — Cursor
  25. Titus Livius - Ab urbe condita - libri CXLII. (The Latin Library): Liber XXII, caput 14, 12 — Cursor
  26. 26.0 26.1 Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber septimus, cap. 60, [213] — Cursor